破紀錄

唔怪得之成日都聽到，人既潛力係無窮無盡......
本來以為自己係work hard play hard既人，做時做，但係玩點都唔少得，
點知破哂自己既紀錄，足足一個月無放假、無玩、無夜夜笙歌、無同人吹水......兼返香港之後，連續幾日返足一個對......
曾經以為自己唔放假係會死，但又死唔去......
仲有，足足半年冇放過大假，但係據估計，短期內放到大假既機會好微......
問我開唔開心，又好似幾開心，但係多啲錢會更開心......
有時又覺得自己唔多適合呢份工，或者應該係想試下自己以前想做既嘢......
不過都係得個諗字......
個個都話做傳媒冇前/錢途，但畀你做到有前/錢途個行，都唔代表你一定掂...或者開心...
其實做人好簡單，有機會咪把握，想做咪去做，好過老咗先嚟悔，
不過「機會」係留畀有準備既人，而「想做就去做」就要有條件去backup。坐係度怨天由人，結果都係得個桔......
給各位在事業、或者愛情上，都唔知點算既朋友們一句忠告：順心而行！