騙人的臭皮囊

自出來工作以來，發現各人對本人的臭皮囊，竟有如此印象：
應該很溫柔 (會唔會笑死老死？)，
應該愛烹飪(識煮公仔麵算唔算？)，
應該不說粗言穢語(唔係口頭禪囉)，
應該不發怒(都係人啫，發脾四好正常，你估賣笑咩？)，
應該很怕事(咩為之怕事先？深宵喝罵露體狂，算唔算？)，
應該不會踏單車(總之可以由大圍踩到入大埔)，
應該不會游泳(掂到地就游到幾吓)，
應該不愛運動(愛既話一定唔係，但間中都會打吓波、做吓gym)，
應該滴酒不沾(唔會飲兩滴就不醒人事囉)，
應該不吸煙(只能夠講冇吸煙既習慣同癮)，
應該不夜蒲(落老蘭算唔算？飲嘢吹水算唔算？)，
應該很乖(......)，
應該斯斯文文(呢項阿媽都唔信)，
應該好深閏(......)，
應該見到曱甴老鼠會尖叫，繼而拔足狂奔(見到佢哋唔會尖叫，但都唔會想見到佢哋)，
應該唔敢夜晚一個人去厠所(唔係唔驚，不過冇一般人咁驚啫)，
應該唔可以自己瞓一間酒店房(如果冇自己嚇自己，我諗我會prefer自己一間房)，
應該聽到不文說話會面紅(......)，
應該唔捱得應(雖然唔係鐵人28，但未至於係豆腐人呀...)，
應該好潺弱(係面色青啲，但唔代表有病)，
應該未試過失戀(......)

救命......救命......救命呀......
還是應該慶幸？