人生

真係估唔到已經到咗呢個階段，被舊同學既紅色炸彈炸咗兩次之後，今次唔係只做嘉賓，而係做人姐妹。一直都覺得結婚呢家嘢離我好遠，雖然實際上唔遠，但係感覺真係好遙遠。當我知道好友決定結婚，再無喜極而泣，反而覺得自已好似真係大個啦，不知不覺，進入人生另一個階段。

有一位好友剛剛榮升姑姐，有位舊同事有親人去世。開始感受到「人生」，只是自己一直活在過於單純的世界。

加上，最近得悉舊公司發生巨變，再一次深深感受到「世事無常」。人實在有太多東西不能掌握。

常常覺得要做的、想做的，實太多，時間總不夠，工作、朋友、家庭，總是分贓不均，朋友的事故，讓我想起要分多一點時間給爺爺嫲嫲，我這個不屑孫實在不濟......

希望快做人家太太的，要學懂珍惜！
做了人家姑姑的，要學習放開一點自己！
失去至親的，學會堅強與面對！
共勉之！

Blog Tag

Blog Tag
遊戲規則：連鎖blog
題目：怪癖五個
事緣：有幸被橙pick中

１．嗜朱古力如命
別人無飯不歡，本人無朱古力會死，曾被嘲身上流的是朱古力，而非血。皆凡朱古力製品都是本人最愛，朱古力蛋糕、朱古力卷、朱古力曲奇，種類太多不能盡．．．．．．

２．間中要ｈｅａ
雖然本人甚貪靚（都係比較啫），但係有啲時候，唔知點解好想ｈｅａ，唔想執自己就出門口，包括唔化妝、唔戴ｃｏｎ、同埋求其着件衫．唔好問我點解，因為我都唔知點解。

３．同時間閱讀２本以上的書
熟我既人都知道，我個袋實有一本書，因為方便我搭車時有書睇，其實我仲有本床前小讀物，之不過係床頭有本書，方便我睡前有書睇。

４．讀或看相關的書及電影
睇完電影版《白髮魔女傳》，就想睇返原著，或者睇完《秦俑》，就會想睇返套戲；又或者係睇《鋼琴戰曲》之前，就會先睇同類型既《一個快樂的傳說》同埋《舒特拉的名單》，總之想比較一下有咩分別。

５．鍾意乜都抄低
可能自覺冇乜記性，所以好多嘢都會抄低，慎妨自已唔記得，同埋抄一抄，令自己印象深啲，冇咁易唔記得。

以上所謂既癖，其實只係呢一刻諗到，並不代表本人之全部。
另，本人一向喜歡為各類型的連鎖信做個了結，就讓這個ｔａｇ在此安息吧！